موجود في كل مكان في البيت
في الشقه
في الشارع
في التلاجه
اكسكلوسيف
في لقاء مباشر التقينا ابو لمعه حاورناه ناقشناه ..عرفنااخر اخباره واتخنقنا منه
: السيد ابو لمعه فينك من زمان يا راجل
: انا كنت في لندن في زياره سريعه لبرج ايفل
ولسان حالي يقول : يا صباح الفشر من اولها
: وبعدين طلعت باريس اسلم ع تمثال الحريه . وفجاه الصاروخ عطل
: صاروخ؟؟؟؟؟؟؟؟؟؟؟
: ايوه صاروخ ارض ارض الي كنت طالع بيه الرحله
: اسفه ع المقاطعه يا فندم كمل
ولسان حالي يقول : استرها معانا يا رب دا احنا ولايا وملناش غيرك
: بس يا ستي الغواصه ......
: خلاص حضرتك انسى الي كان وخلينا ف دلوقتي ... سؤال يطرح نفسه إليه سر العلاقه القويه م بينك وبين الأسد
: قاعد ف حالي لا بيا ولا عليا قام طلعلي اسد من تحت السرير قالي بخ
ولسان حالي يقول : ليه يا روحي مربي غابه تحت الكنبه
:المهم قعدت ازعق فيه واشتمه ولما زهقت مسكته من ديله وهوعمال يعيط ويقولي سيبني يا ابو لمعه وربنا المعبود ما اكررها ويعييييييييييييييييييط ......... بس ع مين طردته بره البيت وقعد الديناصور مضرب عن الطعام يوميها .........
ابو لمعه يطلق صرخه مدويه في ارجاء المكان
ويقطع الارسال
مراسلتنا زينه ما الذي يجري عندك
: لا ابدا دا عنكبوت ع السقف
وبعد مقابلة أبو لمعه حبينا نعمل تصويت كام اباء اللمعين عندنا
واخترعنا اي كلمه وسالنا الناس عنها....وكان التالي
: صباح الخير يا فندم تعرفي ايه عن الكلبوشه
:؟؟؟؟؟؟؟؟؟؟؟؟
: هل علامات التعجب معناها عدم علم حضرتك بالكلبوشه
: انا معرفش الكلبوشه يا نهار فحلقي يا ولاد دول كانوا يمشوني ع حمار بالمقلوب في بلدنا
: امال ليه الاستغراب
: بستغرب ع جهل الجيل الجديد وتفكيره المسطح
: سطحي يا فندم
: الكلبوشه نوع من انواع الديك الرومي الي عنده قرون خضرا مخططه بالازرق بينمو في الاجزاء الشماليه من امريكا الغربيه
: شكرا ع المعلومات الثمينه
ولسان حالي يقول : والوليه شكلها لسه صاحيه من النوم والارجح انها لسه مصحتش
ولقاء اخر مع احد المواطنين
: ممكن نسالك ع معنى الكلبوشه
: ااااااااااااااااااااااااااه من زمان والله يا كلبوشه
ولسان حالي يقول : يا راجل اتلهي
: ده شارع في كوالامبور اول ما تنزلي م المطار ع ايدك الشمال في اول دخله يمين جنب عم سوكاشي بتاع الفول والطعميه والله وليك وحشه يا سوكاشي
الجمعة يونيو 22, 2007 1:21 pm
